Միջազգային կապեր

2023 թ․-ից Հայաստանի կատարակտալ և ռեֆրակցիոն միությունը պաշտոնապես համագործակցում է եվրոպական համանուն կազմակերպության հետ՝ համարվելով նրա կից կազմակերպությունը Հայաստանում։ Այս համագործակցությունը ակտիվացնում է հայ ակնաբույժների մասնակցությունը Եվրոպայի կատարակտալ և ռեֆրակցիոն վիրաբույժների միության ամենամյա և եվրոպական ամենամեծ ակնաբուժական համաժողովին, ինչպես նաև խրախուսում է մեր եվրոպական գործընկերների հայաստանյան այցերը և ակտիվ մասնակցությունը մեր ամենամյա գիտաժողովներին։

Եվրոպայի կատարակտալ և ռեֆրակցիոն վիրաբույժների միությունը իր կից ազգային կազմակերպություններին ընձեռնում է հասանելիություն մեծաթիվ ռեսուրսների, ներառյալ կրթական նյութերը, հետազոտական հրատարակություններն ու մասնագիտական զարգացման ծրագրերը։

Ռուսաստանի բժիշկ-ակնաբույժների ասոցիացիայի հետ համագործակցությունը հնարավորություն է տալիս մեր անդամներին գտնվել շարունակական կապի մեջ մեր ռուս գործընկերների հետ և ոգևորում է նրանց մասնակցությունը Սանկտ-Պետերբուրգում ընթացող «Սպիտակ Գիշերներ» ամենամյա ակնաբուժական համաժողովներին։